Ang dalan sa kaluwasan (Way to salvation)

Bismillahi rahmani rahim! Sa ngalan sa Allah ang labing madagayaon ug labing maloloy-on!

Assalamu alaykum wa rahmatullahi wa barkatuh! Ang kalinaw, kaluoy ug ang panalangin sa Allah subhana huwa ta'ala maanaa kaninyo! Daghang mga tinuohan ang ningtunga niining modernong panahon nato karon ug halos tanan kanila nag angkon nga sila ang maong tinuod nga tinuohan ug mao ang tinuohan nga magahatod sa katawhan ngadto sa kaluwasan! Kini nga mga nagkadaiya nga sekta sa mga tinuohan puro nagatuo sa usa lamang ka labawng makagagahum nga naghimo sa langit ug sa yuta ug pareho nga nagagamit sa "BIBLIYA" nga maoy pundasyon sa ilang mga doktrina ug pagtuo apan kini silang tanan nagkabahin bahin ug lain-lain ang mga baruganan mahitungod sa tinuohan. Adunay mga sekta sa tinuohan nga nanag-ingon nga ang tao dili maluwas kung dili dawaton si "Jesus Christ" as Son of God, naa pu'y tinuohan nga nag ingon nga si "Jesus Christ is anaa na sa atong modernong panahon karon ug nikunsad ngadto sa isa ka tawo nga maoy ilang gituohan nga maoy pangulo sa ilang tinuohan, ug daghan pang lain nga mga sekta! Apan ang pangutana, mao ba kini sila ang tinuod nga tinuohan nga gikatakna para sa katawhan? Ug kung ang pagdawat kay "Jesus Christ" mao lamang ang makaluwas sa katawhan gikan sa kalaglagan, unsaon naman lang ang mga tao nga nangamatay sa wala pa ang panahon ni propeta "Jesus Christ (Yeshua ben Miryam)"? Aron atong masabtan kung unsa ang kamatuoran, dapat ato una talikdan kung unsa man ang atong ginatuohan sa pagkakaron ug atong balikan piaagi sa atong "Logical" nga hunahuna ang panahon sa mga propeta nga gipanghisgutan sa "BIBLIYA" ug sa balaan nga Qur'an. Sa BIBLIYA, wala mahisguti kung unsa nga klase o ngalan ang tinuohan sa mga propeta ni wala kay mabasa nga pulong "Judaism" or "Christianity" sa BIBLIYA apan makita nato sa mga binuhatan ug gawi sa mga propeta ang ilang tinuohan. Naghisgot si propeta Jeremiah : Ang Allah nagingon "Stand at the crossroads and look; ask for the ancient paths, ask where the good way is, and walk in it, and you will find rest for your souls. But you said, 'We will not walk in it.' - Jer. 6:16. Karon unsa man kining karaang dalan nga gihisgutan sa Allah (swt) ngadto kay propeta Jeremaiah? Ang balaan nga Qur'an naghisgot sa saktong dalan nga maghatod sa tao ngadto sa kaluwasan ug sa pagkatinuod, mao kini ang unang mando ug mapa sa tao kung siya nahisubay ba sa saktong dalan. Kini atong mabasa sa surah Al Baqarah 2:2-5 nag ingon " This is the book in which there is no doubt, a GUIDANCE for those conscious of Allah, WHO BELIEVE in the UNSEEN, establish PRAYER, and SPEND OUT of what we have provided for them and those who BELIEVE on what was REVEALED TO YOU and to those BEFORE YOU and of hereafter they are certain. Those are upon the guidance of their Lord, and it is those who are the SUCCESSFUL"! SUBHAN ALLAH! Pagkanindot ug klaro kaayo ang pulong sa Allah swt! Aron atong masabtan atong tagsa tagsahon. sa verso 3, atong mabasa ang unang lakang sa pagsulod sa paraiso ngadto sa kaluwasan, mao ang "Yu'minoona bi'l ghaybi..." (Pagtuo sa dili makita). Ang Allah subhana huwa ta'ala dili makita! Ang unang lakang ug unang timailhan nga ang tao anaa sa saktong pagtuo, mao ang pagtuo sa Allah swt nga dili makita! Ang pagtuo sa Allah, sa mga malaikat ug sa mga Jinnat nagalangkob diha ang unang lakang nga angay buhaton sa tao aron siya makasubay sa saktong dalan! sa verso 3 gihapon naghisgot diha "Yuqimoona assalata wa mima razaqanahum yunfiqoon" (Pagmatinud-anon, makanunayon sa Salah ug nagagasto sa unsa ang gihatag sa Allah nga probisyon). Sa verso 4 giingon sa Allah "waladhina yu'minoona bimah onzila ilayka wama onzila min qablika wabil akhiratihum yuqinoon" Ug kadtong mga nagatuo sa unsa man ang ginapadayag kaninyo ug kanila nga mga nahiuna pa kaninyo kansang anaa ang kasigurohan sa kataposan (Sa adlaw paghukom). ug sa Verso 5 giklaro sa Allah nga ang kadtong mga tao nga nagahimo sa iyang giingon gikan sa verso 3-4 maoy mga anaa sa dalan nga matarong ug giya gikan sa Allah swt! "Wa olayka ala hudan min rabbihim wa olayka humul muflihun! "Those are upon [right] guidance from their Lord, and it is those who are the successful." Tataw ug klaro kaayo ang saysay sa Allah swt alang sa katawhan nga gusto mag subay sa iyang dalan ngadto sa kaluwasan! Dili hingpit ang usa ka Muslim ug kung dili magasubay niini ug bisan kinsa man nga tao nga magasubay niini siya usab magatawag nga Muslim! Alhamdulillahi Rabbil'alamin! Allahu akbar! Paagi'g pagtapos, aduna usab teksto sa Bibliya nga nihiuyon sa kung unsa man jud ang katungdanan ug obligasyon sa tao ngadto sa Allah swt ug ato kini mabasa sa Ecclesiastes (Qoheleth) 12:13 "Now all has been heard; here is the conclusion of the matter: Fear God and keep his commandments, for this is the duty of all mankind." ​ Dinhi na lamang kutob, Asslamu alaykum wa rahmatullahi wa barakatuh! :)

​"Now all has been heard; here is the conclusion of the matter: Fear God and keep his commandments, for this is the duty of all mankind." Ecclesiastes (Qoheleth) 12:13

#Cebuano #Islam