Ang Mag-Muslim? (Being a Muslim?)

Assalamu alaykum wa rahmatullahi wa barakatuh! Ang kalinaw, kaluoy ug panalangin sa Allah subhana huwa ta'ala maanaa kaninyo! Kasagaran, kung mag hisgot man gani mahitungod sa mga "Muslim", ang masulod sa huna-huna sa tao mao ang "pagka terorista", "pagka maldito", "pagka dili matuohon sa GINOO" ug daghan pa kaayo nga mga alegasyon kansang naghulagway ug bati mahitungod sa mga Muslim. Ug mao kini ang sagad nga mga rason nga naghimong babag sa kadaghanan aron makita ug ma suta nila ang kaanindot sa ISLAM! "ISLAM is perfect, Muslims are not, look on the way of ISLAM and not what the Muslims do for they commit mistakes!" kani nga panultihon bisan sa English man, nakapukaw diri kanako aron sa paglantaw kung unsa man jud kini ang ISLAM! WALAY BUNYAG SA ISLAM! Sagad sa atong madunggan, ang mga nagpa "convert" sa Islam, kasagaran pagaingnon nga "Nagpabunyag man siya sa muslim!", mamahimong kataw-anan alang sa mga muslim tungod kay sa ISLAM walay BUNYAG diin ihumol ka's tubig ug dayon pangutan-on, "NAKAKITA KA'S GINOO???" Haha. Subhan Allah! Dali lang ang pagsulod sa relihiyong ISLAM ug walay angay ikahadlok niini tungod kay wala jud kini BAYAD ni PISO aron ang tao makaambit sa pagsunod sa dalan sa pagkamatarong ug kaluwasan! UNSAON man ang pag ISLAM??? ​ Ang tao nga makadesisyon nga mag Muslim kinahanglan lamang nga magbaton sa matuod nga desisyon ug intensyon nga iyang itugyan ang iyang kinabuhi ngadto sa Allah subhana huwa ta'ala ug dayon magabungat niini nga mga pulong " Ashadu an-la ilaha illa Allah, wa ashadu anna Muhammadar rasulullah!" sa hubad sa binisaya, "Ako nagapamatuod nga walay laing labawng makagagahum kung dili si Allah lamang, ug si Muhammad iyahang sinugo". Ug dayon maligo kung mamahimo aron aging pag hinlo sa kaugalingon ug pagsugod ug bag-ong kinabuhi nga balaanon! Sa pagbungat niana, ang usa ka tao mahisulod na sa ganghaan sa ISLAM. Ang pagkinabuhing matarong taliwala niining dautan nato nga panahon karon dili sayon ug dili lalim kay ang palibot napuno sa mga fitnah (tentasyon) nga magadala kanato ngadto sa kalaglagan, apan ato kining madaug ug mamahimo kita sa paglampos sa pagsunod sa mga lagda ug kagustuhan sa Allah subhana huwata'ala kung kita adunay gugma , sinsiridad ug dedikasyon nga magkinabuhing matarong nahisubay sa kagustuhan sa Allah subhanahu wata'ala!

"ISLAM is perfect, Muslims are not, look on the way of ISLAM and not what the Muslims do for they commit mistakes!"

#Cebuano #Islam