Ang Allah (Subhana hu wa ta'ala)

Assalamu alaykum wa rahmatullahi wa baraktuh!

Ang kalinaw, kalouy ug panalangin sa Allah maanaa kaninyo!

Ang Allah subhanahu wata'ala, kinsa man ni siya??? Kasagaran sa atong madungog, "ang mga muslim nagsimba mana sila kay Allah", "lain mana sila'g ginoo si Allah man ilang ginoo", tapos naa pa'y uban nagbugal-bugal kay ang mga Muslim daw daghan ug ginoo, naa daw "Ala una", "Alas Dos" hangtod sa "Dose" daw! Astagfirullah! Mamahimong kataw-anan pero kitang mga Muslim adunay dakong tulubagon nganong ingana man ang panghunahuna sa matag-usa mahitungod sa ngalan sa pinakalabaw nga makakagagahum nga naghimo sa langit ug sa yuta! Ug galing, wala'y tao o mga Muslim ang nagpahibalo ug nagpasabot nila mahitungod niini! Busa kitang mga Muslim manubag gayod kita sa atong mga nahibaloan nga wala nato gipamahin sa uban. Ang pulong "Allah" usa ka pulong nga Arabic ug hataas ang buot ipasabot niini. Mao kini ang ngalan nga walay "Gender" ug "Neutral" kini siya. Nagikan kini sa duha ka mga pulong Arabic "Al"(The) + "ilah"(Almighty one / God) nga ang buot pasabot "The Almighty" kun sa bisaya pa, "Ang pinakagamhanan". Allah, karaan o bag-o? Mga igsuon, bisan paman wala pa ang panahon sa mahal na Propeta Muhammad (Salallahu alayhi wa salam) ang pulong nga "Allah" ginagamit nana sa mga karaang mga Kristyano ilabi na sa mga Kristyano nga mga Arabo saunang panahon. Proweba na niini ang pangalan sa mahal na propeta Muhammad (Salallahu alayhi wa salam), sa iyahang panahon ginatawag siya'g "Muhammad ibn Abdullah", pasabot "Si Muhammad nga anak ni Abdullah". Abdullah maoy pangalan sa amahan sa atong mahal nga propeta (Ang kalinaw maanaa kaniya). Ang pasabot sa "Abdullah" ; "Abd/abad" (Slave, Servant) + "Allah" = The servant of Allah. Busa ang argumento nga ang pulong "Allah" gigamit rana siya pag tawag sa labawng makagagahum sa panahon lang nga ang ISLAM naila, klaro kaayo nga huyang ang maong argumento tungod kay bisan wala pa matawo ang mahal na propeta Muhammad (Ang kalinaw maanaa kaniya), ginagamit na sa mga Arabo nga mga Kristyano ang maong ngalan agi'g pagtawag sa labawng makagagahum nga "Allah"! Panahon sa mga Propeta sa wala pa si Propeta Muhammad (Ang kalinaw maanaa kaniya) Nasayod kita nga ang mga propeta ni Allah sa wala pa si propeta Muhammad (AKMK) kay puro mga Hebreohanon. Bisan paman ana, ang "Hebrew" ug ang "Arabic" pareha ra nag ugat sa mga pinulongan ug isa rana sila ka "Category" sa mga lengwahe, nahisakop sa ginatawag nga "Semitic Language" pasabot, Mao kini ang mga pinulungan nga nag ugat ngadto sa pinulungan ni "Shem" nga anak ni "Noah" nga usa sa mga propeta sa Allah subhanahu wa ta'ala. sa ilahang pinulongan sila magasambit ug "Alaha", "Elah", Eloah" agi'g pagtawag sa labawng makagagahum uban sa pagtahod. Dugang referensya ug pagtuon, duawa lang kini nga website: http://www.4islam.com/origin.shtml

Jazakallahu khairan!

One Father, One Creator ​"Have we not all one father? hath not one God created us? why do we deal treacherously every man against his brother, by profaning the covenant of our fathers?" Malachi 2:10

#Cebuano #Islam